DEU E SU NOMINI MIU
DEU E SU NOMINI MIU
Mi nant Manuelli. Su nòmini miu mi praxit puitta
ca mi dd'ant postu babu e mama. Perou m' iat
èssiri praxiu de prus chi m' iant postu Andrea,
puita ca Andrea est su nòmini de tziu miu chi no
est in Sardinnia, ma in continenti. Issu fait is
navis e mi betit sempri is modellinus.
Chi su nòmini miu fut stétiu Andrea ch' incapas
iap' essiri bellixeddu e bonu, ia a lassai in paxi is
cumpangius e is pipius prus piticus de mimi.
Invecis cun su nòmini Manuelli seu lègiu e malu.
A mei mi nant Stefania e su nòmini miu dd’at
scèrau pardinu miu. Chi ia cumprendiu non mi dd’ia fatu ponni puitta ca po mimi est unu
pagu lègiu. A bortas fradi miu mi tzerriat “Stefani” e deu m’inchietu e ddì nau ca chi portu
unu nòmini de àinci, non tengu peruna crupa.
A mei mi nant Cristian, ma a mimi non mi praxit meda su nòmini miu. Iap'ai bofiu a mi
Poniri Giovanni ca est prus comunu. Su nòmini Cristian non mi praxit puita no est italianu e
fintzas e puita ca no andat beni po su caràtiri miu, ca portu is ochiallisi e seu caràtiri unu
paghedddu crispu. Su nòmini mi dd’at postu mama.
Su nòmini miu est Michela e dd’at scèreau mama e sorri mia. Non mi praxit su nòmini miu,
candu mi ddù tzerriant cun su sangunau puitta ca no mi praxit su sangunau e mi fait legit su
nomini puru. A manna is a bolli cambiai nomini, puita mi parit ca Michela iat essi unu nòmini
beni postu po una piciochedda e non po una fèmina manna.
Mama, a pustis de cancuna diri chi fia nàscia, iat nau a babu a i-sèreai su nòmini prus bellu
intra Giuliana e Dolores. Invecis de scèrai, babu fiat andau a s’anàgrafi e ddus iat
arregistraus totu is duus. A mei mi praxit scéti Dolores, perou totus mi tzerriant Giuliana.
Segundu mimi Dolores est unu nòmini importanti. Non m’ ant mai tzerriau cun su nòmini
Dolores, invecis Giuliana, chi propriu non mi praxit est su nòmini chi mi tzerriant.
Fort is Giuliana non mi praxit puitta ca is cumpàngius mius agàtant medas
allumingiusicumenti: “Sa Giulia”, “Giulietta”. Su nòmine Giuliana mi fait fintzas e pentzai a una
picciocchedda pallera e dispetosa chi pigat sempri is cosas senza de premissu.
A mimi non mi praxit su nòmini miu puitta ca is de domu mia, invecis de mi tzerriai Roberta,
mi tzerriant “Robi”, chi mi parit su nòmini de unu cani e deu m’ inchietu meda cun issus.
Fintzas e fradilis mius mi pigant in giru.
Manuelli, Stefania, Cristina, Michela, Giuliana, Roberta
48.
