SU PULIXI E SA MARTINICA
SU PULIXI E SA MARTINICA
Una diri unu pulixi iat spitzulau a faci a una
martinica. Po ddu ( a su pulixi ) bociri, sa
martinica s' iat donau unu bellu cropu a conca.
Su pulixi, perou, nci ddi fiat giài sartau a su
coddu. Sa martinica s' iat donau unu mùssiu e
s' iat prenu sa buca de pilu. In s' ora perou, su
pulixi nci ddi fiat sartau a sa schina. Sa
martinica tandus, ca ddu boliat cassai a
maraolla, iat incumentzau a furriai in tundu,
fintzas a chi ddi fut pigau a i-scimingius. In s'
ora su pulixi, ca dda boliat fai arrennegai, nci ddi
fiat calau prus a bàsciu, a fundu de sa coa. Sa
martinica illuegu, si fut sètzia in terra arriendu e
pentzendu: «Custa borta dd' apu cassau.»
Ma, de ingui asuta, su pulixi sighiat a dda
spitzulai.
Ursula Wolfel
PO CUMPRENDIRI SA LINGUA
- Custu contu fueddat de unu pulixi e de una
martìnica.
■ Cica, sinnala e torra a isciri a su costau is
fueddus chi bolint nai:
su pulixi - a su pulixi
sa martìnica - a sa martìnica
- Ita as sinnalau?
- Tandus:
| ddu → lo | ddus → loro (masc. plur.) |
| dda → la | ddas → loro (fem. plur.) |
| ddi → a lui/gli - a lei- le
| ddis → a loro (m. e f. pl.) |
■ Imoi torra a isciri su contu cumenti chi siant medas pulixis e medas martìnicas:
Una dìri unus cantu pulixis iant spitzulau a faci a
una pariga de martìnicas. Po ddus…
■ Discuti, cun is cumpàngius e cun su maistru, de is fueddus chi funt cambiaus.
45
