SA PAPAGALLEDDA MIA
SA PAPAGALLEDDA MIA
Sa papagalledda mia est murada, bianca e
niedda. Gei ndi fait pagu de burdellu! Est
sempri schiulendi. Medas bortas, po dda fari
citiri, tzerriu e ddi naru a si tupari su biu;
cancuna borta dongiu cropus a sa gabia po ndi
dda fari assicari e po dd' atrudiri. Issa perou
sighit a cantari cumenti e chi mai. Tandus mi
benit s’idea de dda tzacari a su muru, perou mi
ndi parit mali e non ddi fatzu nudda.
Est dispetosa meda: candu depit papai e bufai,
andat anch’ est bufendi o papendi a s’atru
papagallu e ddu impellit e ddu spitzulat fintzas a
chi non nci ddu bogat e si ponit issa a papai in
su strexu de i-cuddu. Tandus certant.
A bortas parit ca est bregungiosa. In s’ ierru,
mama, a de noti, ndi dd’ intrat aintru puita ca in
foras ddu’ iat frius. A mengianu, candu mi ndi
scidaa, dda intendia cantendi, perou, cumenti m’
acostiaa a dda castiari si nd' assicait e si citiat:
pariat ca non mi conosciat, ca non m' iat mai biu.
Perou ddi bollu beni meda e mi praxit fintzas e
puitta ca, a bortas, mi parit unu passirillanti.
Alessia
PO CUMPRENDIRI SA LINGUA
— In su contu "sa papagalledda mia" funt
sinnalaus unus cantu fueddus: muràda, bianca,
niedda, dispetosa, bregungiosa. A i-custus
fueddus ddas nant AGETIVUS.
Is agetivus funt cussus fueddus chi nant
cancuna cosa, po cumprendiri mellus, de sa
pressoni, de s'animali o de sa cosa chi seus
nomenendi. A is chi eus marcau in custu contu
ddis nant fintzas e CUALIFICATIVUS, puita ca
nant is calidadis de sa pressoni, de s'animali o
de sa cosa chi seus nomenendi.
■ Sa papagalleda est :
● bianca
● niedda
● murada
● dispetosa
● bregungiosa
— Is primas tres calidadis nant de cali colori est
sa papagalleda. Atrus coloris ndi connoscis?
■ Pregonta, chi non ddu scis, a is de domu tua,
cali funt custus coloris e chi ndi scint atrus
faididdus nai.
42
■ Scrii atras calidadis (agetivus cualificativus)
una po dònnia frècia.
● Sa gabia est __________
- aberta
- becia
-
-
-
-
■ Acaba tui:
Chi non est fridu tandus est __________.
Chi non est tébidu tandus est __________.
Chi non est friscu tandus est __________.
Chi non est nou tandus est __________.
Chi non est crutzu tandus est __________.
Chi non est masedu tandus est __________.
Chi non est domau tandus est __________.
Chi non est arricu tandus est __________.
Chi non est longu tandus est __________.
Chi non est ladu tandus est __________.
Lègiu est su contràriu de __________.
Brutu est su contràriu de __________.
Mandroni est su contràriu de __________.
Abristu est su contràriu de __________.
Sonnigosu est su contràriu de __________.
Sintzillu est su contràriu de __________.
Bregungiosu est su contràriu de __________.
Acudiu est su contràriu de __________.
Atrìviu est su contràriu de __________.
Fischidu est su contràriu de __________.
43
