A PUSTIS DE SU SCIUTORI...ACUA A MARIGAS
A PUSTIS DE SU SCIUTORI.... ACUA A MARIGAS
Fut de ora meda chi non proiat. Figuraisia ca sa genti bècia non s'arregodat mancu cumenti fiat s'acua de prùniu! E is picciocheddus?! Issus non dda connosciant nemancu!
Sabudu incarrèrat a proi. Seus cuntentus meda ca est proendi ainci meda, perou no i-scieus ancòra ca cust’ acua iat a fai unu biaxi de dannus puita ca, a s’acabu, iat essiri una strossa.
Proit e proit. Proit sempri de prus e non dda bolit acabai. Nosu si poneus in pentzamentu. Est unu dillùviu: acua e ludu currint, infrusant in is bias chi parint arrius e agoa nc’ intrant a is domus: sa timoria incarrèrat a intrai. Cancunu muru nd’arruit. Sa timoria imoi si podit fintzas e tocai. Est un’arrori! Lompint fintzas e is vigilis de su fogu!
A pustiprangiu, acabau su dillùviu, sa genti manna, afainàda, at incumentzau a inci bogari s’acua de is domus. Nosu pipius, biendi totu custa cosa si spassiaus meda, ma sabudu a noti deu non nci arrennescia a mi dromiri de cantu fut proendi: is tronus mi ndi scidant totu a una borta e mi faiant saddiri paris, is lampus preniant de luxi totu s’aposentu! Fia spramàda!
Marianna
28
