IS MANUS DE BABU MIU
IS MANUS DE BABU MIU
Is manus de babu miu fuant grussas, donnia didu su dòpíu de is mius. Is venas chi de is manus artziànt a su brutzu fuant grussas che funis.
Is manus de babu miu non fuant fatas che is manus de is atrus ominis, fuant fatas de un' atra pasta, fortzis in s'impastu ddu'iant amesturau ferru e linna, luxi e amori, e su fueddu sentza de fueddus cun su cali babu miu fueddat cun is cosas, tochendíddas.
Is manus de babu miu fuant duas manus deretas, sa manu de manca puru fut una manu dereta, o chi no cumenti ìat essi fatu a chistionai a duas manus cun d'una matixedda chi fut prantendi, po dd' arrecumandai su chi depiat fai po cresci manna e sana, po cresci a lestru, po si difendi de is babillotis, de sa nébida e de su sicori? O cun d' una mata, cun d' unu sramentu chi fut puldendu, candu ndi ddi bogat sa linna bécia cumenti de chi fessit boghendindeddi unu bestiri bèciu e malifatu, de ddi promitiat, cun is fueddus de cuddas manus mannas, unu bestiri nou, bellu, chi dd'iat essi portau beranu candu iat essi arribau e dd'iat essi bia pronta a si ddu ponni?
Benvenuto
PO CUMPRENDIRI SA LINGUA
Unu, una, un' funt articulus indeterminativus.
| unu → cun nòminis maschilis |
| una → cun nòminis feminilis |
| un' → cun nom. masc. e fem. |
■ Cica e marca asuta, totus is atrus articulus determinativus chi agàtas in su contu.
■ Imoi torra a i-scriri, in su cuadernu tuu, custus nòminis ponendiddis ananti, s’artìculu determinativu giustu:
manu, crobu, ungra, cadàsciu, diri, tallu, agu, steddu, crai, fentana, ogu, fillu, abi.
26
