BILLOI
BILLOI
In is arrius, arrius ddui nd’iat tres, ma duus prus che arrius fiant coras. In su de tres, un’arrixieddu chi perou non si sicàt mancu in s’istadi, ddui fut su mulinu de Billoi.
Billoi, cumenti de calancun’atru in bidda, bestiat ancora a sa sarda, cun is pantallonis biancus de linne, is cratzas nieddas a istafa, sa giachetta de obraci nieddu e sa berrita piticheddedda chi ddi pendiat a una parti de sa faci e dd’ arribat apenas a pitzus de coddu.
Billoi iat fatu sempri su molinaxu, che su babu, de candu fut piticu, e imoi fut colori de farra, pariat fatu de farra. Is manus lisas, biancas, moddis, pariant fatas cun su prùini de sa farra chi si pesat de sa mola. Sa mola furriat di e noti aintru de sa domixedda bascia, cun s’arroda a su costau chi si biiat de parti de aintru.
De farra Billoi portat fintzas e cillus e pabaristas. A Billoi ddi donat fastidiu donnia atru sonu chi non fessit su de s' acua e su de sa mola. Billoi moliat su trigu de chini non teniat mola ne molenti, o non boliat tenni ne s’unu ne s’atrù.
Benvenuto
PO CUMPRENDIRI SA LINGUA
Su, sa, s’, is, funt ARTICULUS DETERMINATIVUS.
| su | → cun nÒminis maschilis singularis |
| sa | → cun nÒminis femminilis singularis |
| s’ | → cun nom. masc. e fem. singularis |
| is | → cun nom. masc. e fem. pluralis |
■ Cica e marca asuta, totus is articulus determinativus chi agàtas in su contu.
■ Imoi torra a i-scriri, in su cuadernu tuu, custus nÒminis ponendiddis ananti, s’artìculu determinativu giustu:
genna, crapitas, òminis, fradi, mesa, ortu, matas, ebra, froris, linna, pratu, cuadernus, musca, perdas, trigu.
24
