IS CINCU ORFONEDDUS

@Adelaide

Published in 

Imparausu Su Sardu

 · 5 days ago

IS CINCU ORFONEDDUS

Boleus una mata de paxi
e una mata de soli callenti,
si dda mandas una mata de luna?

Nant gioghendi is cincu orfoneddus
cun boxi bianca che nii
is cincu orfoneddus gioighendi.

Boleus una mata de luxi
de beranu, bestia de arrosu
cun centu pillonis frucendi.

Nant gioghendi is cincu orfoneddus
cun boxi bianca che nii
is cincu orfoneddus gioighendi.

O puru una machina de soli
chi fatzat milla e milla steddus
po ddus donai a sa noti niedda
candu aberint sa genna is tronus.

Nant gioghendi is cincu orfoneddus
cun boxi bianca che nii
is cincu orfoneddus gioighendi.

Deu bolia sa paxi de su pani
deu bolia s’amori de su bentu
deu bolia una tanca froria
deu centu ghitarras sonendi
deu bolia una lantia de oru.

Nant gioghendi is cincu orfoneddus
cun boxi bianca che nii
is cincu orfoneddus gioighendi.

Pietro

(Tradùsiu de su nuoresu)

22