UNA MEURRA INDIANA
UNA MEURRA INDIANA
Deu tengiu una meurra indiana e ddi nant Pipo. Est niedda, cun su bicu grogu e colori de aràngiu, in su tzugu pòrtat una cannaca groga e, in sa punta de is alas, una pinna bianca; is pèis ddus pòrtat grogus.
Srùbiat e fait sa boxi de sa pudda, cantat a cabonìscu, mèulat cumenti de su gatu, fait sa boxi de su mrexani, cussa de su piocu e at imparau a nai “ciao”. Candu est una bella dìri de soli e tenit basca, si fait su bànniu in d’unu botu de acua. Tandus est prexàda meda e srùbiat prus a forti e s’intendit in totu su bixinaú. Est satzagona meda e, a mengiánu, ddi praxit a si papari su panetoni e, chi non si ddu donaus, si ponit a srùbiai a sa disisperáda. Ddi praxit fintzas e su pani, sa mèla e sa trùta.
Imoi ca est pitica non batallat meda, ma candu at a amanniari at a imparài atrus feuddus.
A bortas parit un’acrobata puita ca fùrriat su tzugu cumenti faìnt is picioas in tellevisioni, antzis issa est prus bona puru a fari cussus giòghitus. Candu m’ acostiu anch' est Pipo e dda chistionu, issa si citit e parit ca est ascurtendimia; cumenti mi stresiu incàrreràt a srùbiari.
A bortas fait burdellu meda e, tandus, deu ddi nàru a si citiri; Pipo m’arrespùndit nendumia unu feuddu chi non cumprendu; deu ddi torru a nai a si citiri, ma issa incàrreràt a fai burdellu e a nai:
“Ciao, ciao, ciao...”.
Non timit giai giai a nemus e, chi s’acòstiat su gatu o su cani ddus spitzulat a su nasu. Timit feti candu sciambullaus sa gabia.
Michela
PILLONIS E FUEDDUS
Sa meurra indiana est unu pilloni. Ndi connoscis atrus?
Fai-ti nai cumenti funt custus atrus e cica is nòminis in italianu.
Su cruculeu est .......... il passero
Sa tzuiddia est ..........
Su cucumeu est ..........
Su tidori est ..........
Sa stria est ..........
Sa pubusa est ..........
Sa callàndria est ..........
Sa carroga est ..........
Sa piga est ..........
Su sturru est ..........
Su trudu est ..........
Sa perdisci est ..........
Sa cardellina est ..........
Su fardarollu est ..........
Sa meurra est ..........
Su tzrepedderi est ..........
Su crobu est ..........
Su ghiru est ..........
Su conca de moru est ..........
Su brentuxu est ..........
18
