FRADISCEDDU MIU
FRADIXEDDU MIU
A fradixeddu miu ddi nant Mauritziu. Est unu pagu bascioteddu, pòrtat is ogus colori de cafeu, is pilus castanginus e su nasu tundu, cràzat bintotu o bintinoi.
A mengianu si ndi depit pesai acuitu puita ca depit andai a s'asillu. Candu passaus acanta de is butegas prangit puita ca bolit s'oxèddu chinder, tandus mama ddi narat:
– Ti dd'apa comporai a meri.
Su sàbudu, ca non depit andai a s'asillu, giogat in pratza e si ponit in sa geca e m'abètat fintzas a sa una mancu binti. Candu arribu mi bàsat e deu ddi naru:
– Andaus a papai, a pustis fatzu is còmpitus e candu acabu andu a giogai cun tui.
A pustis chi giogaus andaus anch'est nonna. A meri castiaus sa tellevisioni. Issu illuegu incumentzat:
– Mama mi nci portas a mi crocai?
Issa ddi'arrespundit:
– Non dd'abetas a babu?
– Ma issu sighit e tandus mama nci ddu pòrtat a si crocai. Candu arribbat, babu andat anch'est Mauritziu e alluit sa luxi e ddi dònat unu bàsidu, issu aberit is ogus e ddi narat:
– Nàscius funt is angioneddus?
Babu ddi'arrespundit:
– Eia!
Ma perou si ddu narat po brulla, ca chiscussu si ponit a prangi.
Tatiana
17
