SCRIENDI E GIOGHENDI
SCRIENDI E GIOGHENDI
Unu modu po imparai su sardu in sa scola
elementari.
Depeus torrai gràtzias a totus is chi ant crètiu in custa esperièntzia e chi po cussu s'ant agiudau a tramudai su treballu in custu liburu. Boleus arringratziài massimamente: a sa diretrici didàtica Mariella Marras chi, chentza de timo-rias, s’at sempri spintu e incoragiu a sighiri; a is babus e a is mamas de is pìpius chi, fintzas e chi a prìnzipius teniant calancuna duda, s’ant donau, in totu su chi ant pòtzìu, una manu de agiudu e ant premitiu chi su treballu essat andau a innantis; a su Sìndigu e a s’Aminìstrazioni de su Comunu de Gergei chi at pigau parti a is spesas po sa stampa; a s’assessori po sa cultura e a su Cuntzìlliu de su Cumprensoriu Montanu Sarcìdanu - Barbagia de Seulu ca ant favorèssiu sa presentatzioni de s’opera e funt intraus in is ispesas po sa stampa; a is Organus Collegialis de su Cìrculu Didàticu de Isili ca ant favorèssiu su treballu; a Sandro Ghiani e a su personàli de sa Bibriotèca Comunali de Isili po sa disponibilidai e s’agiudu chi s’ant donau; a Benvenuto Lobina chi s’at premìtiu de umperai branus de 'Po cantu Biddanoa'; a Simonetta Secci chi tanti tempus at dedicau po pintai su liburu. Depeus torrai gràtzias perou, massimamenti, a is pìpius chi in cincu annus ant sempri treballau cun prexeri e allìgria. Sa speràntzia nosta est chi de totu custu ddis abarrit in sa menti e in su coru calancuna cosa, po sempri.
