GRAZIAS
GRAZIAS!
Grazias a sa sempiri Virgini Maria chi si venerad'
in custa Cresia Manna cun su tìtulu med’antigu
de Nosta Sennor’ e s’ Assunta;
Grazias a su maistu Marcu Pibiri, ziu de su sposu,
e a tottu is cantorìs de sa miss’ antiga in
linguàzzu sardu;
Grazias a is babbus e a is mamas de custus
isposus;
Grazias a sa Pro Loco cerascina, puntuali e
sempir' in primu lìnnia po promòvi sa cultura e
su folklori de sa Sardigna bella;
Grazias a tottu is presentìsi incummenzèndi de is
isposus (strangius) Mariàn e Lycha;
Grazias finz’ a is “curiosus” chi de domu insòru in
grazia de sa televisioni de Videolina s’anti pòzzìu
sighìri fin’ a immòi e de immò ' innàntisi;
Grazias a is furisteris de aillàrgu e de accànta e
infìnis, medas grazias a dognunu chi hat traballàu
collaborèndu po custa dì nodia sprendènti e
groriòsa, beneditta de cudda Patrona celesti –
Maria santìssima – chi in custa Cresia manna a
Issa dedicàda, de hoi castiad’ ancòra e de prusu
cun amori a Efis, a Simona, i a tottu nos’ attrus
chi dd’ acclamaus e sempiri dda benedisceslus,
preghèndi e cantèndi de coru:
«Deus osi salvit Rejna Mamma de misèricòdrìa,
vida, dulzura e speranza nostra, Deus osi salvit.
A Bosu ricurrèus nosaterus fillus de Eva, a Bosu
suspìraus gemèndi e prangèndi in custa bàddi
de lagrimas.»
Bosu duncas o Abogada nostra, castiainosi cun
ogus de misericodria e a pustis de custu esiliu,
mostrainosi Gesus, fruttu benedittu de su sinu
Bostu, o clementi, o pia, o dulci Virgini Maria.
Aicci siad’ Amen. Alleluia!
Sac. Dott. Giuànni Francìscu Zuncheddu
Abogau de sa Rota Romana, Giuggi in su Tribunali E.R. de tottu sa Sardigna
Postuladòri in is Causas po fai santus nòus
Cappellanu de sa Polizia de Istadù po sa Regioni Sardigna
