PO CONGRURI ( SA CONCLUSIONI DE SA PREDICA ): UNU SALMU
PO CONGRUÌRI (SA CONCLUSIÒNI DE SA PRÉDICA):
UNU SALMU
Sa bundadi de Deus dùrat po sempri
De Davidi, su Salmu, su de 102 (103), po is mòris
de Deus!
1. Benedixi a Deus, anima mia,
e totus is intragnas mias benedixant su nomini
santu su’.
2. Benedixi a Deus, anima mia,
e de is donus sus mai ti ndi iscarèsciasta.
3. De issu chi perdònat is curpas tuas
chi sànat totus is malàdias tuas,
4. chi ndi tòrrat de sa fossa sa vida tua,
chi t’accùdit de grazia e de bundadi,
5. chi ti prenit de benis in sa beccesa tua,
chi sa gioventudi tua ndi tòrrat chei s’acuila.
6. Deus fait operas de giustìzia,
pagat a is offèndius su mali patìu.
7. Iat fattu connòscì a Mosei is bias suas,
a is fillus de Israeli is operas suas.
8. Piedosu e misericordiosu est Deus,
non est inchietosu, mannu in sa bundadi sua.
9. Si ghèrrat non est po sempri,
e sa furia sua non ddi dùrat po sempri.
10. Non si giùdicat segundu is peccaus nostus,
non si pagat segundu is curpas nostas.
11. Poita cantu prus artu si nd’ àrziat su celu
asuba’ e sa terra
tantu prus manna est sa misericordia sua po is
chi ddu timint.
12. Cantu est attesu s’Orìenti de s’Occidenti,
aìci nci stèsiat de nosu is curpas nostas.
13. Comenti unu babbu est piedosu cun is fillus
sus,
aici Deus est piedosu cun is chi ddu timint;
14 poita issu scit de ita seus fattus,
e arregòdat chi nosu seus fattu de prùinu.
15 Chei s’erba sunt is dis de s’omini,
infrorit chei seu frori de su sartu:
16 appèna ddu movit su ‘entu, s’ allacànat luegu,
ni prus si connoscit su logu aundi fiat.
17 Ma sa bundadi de Deus dùrat po sempri
in is chi ddu timint,
sa giustìzia sua po is fillus de is fillus,
18 po is chi arrespèttant su pattu su’
e bivint segundus is cumandamentus sus.
19 Deus at fundau su tronu su’ in is celus
e sa maistadi sua dòminat su mundu.
20 Benedixei a Deus, o angìulus sus,
gherreris potentis de is cumandus sus,
prontus a ascurtai su sonu de is fueddus sus.
21 Benedixei a Deus, o trumas divinas,
ministrus sus chi feis sa volontadi sua.
22 Benedixei a Deus, bosatrus chi seis operas
suas,
in dònnia logu de su regnu su’.
Benedìxi a Deus, anima mia!
