BENEDIZIONI SOLENNI DE SA SPOSA E DE SU SPOSU
BENEDIZIONI SOLENNI
DE SA SPOSA E DE SU SPOSU
(3ª Formula)
(Su sacerdotu, (furriau facci a is sposus), a
manus giuntas, narat):
Fradis carissimus,
invocheus asuba de custus sposus, Efis i Simona,
sa benedizioni de Deus:
issu chi hoi ddus hat unius,
ddus accumpangit sempiri cun sa protezioni Sua.
(Pustis, cun is brazzus allargaus, sighit):
Babbu santu, criadori de s’universu,
chi has formau s’omini e sa femina a immagini
tua,
e has postu asuba de sa primu famìglia
su signali de sa benedizioni tua,
castia cun amori Efis
chi hoi si unìt a Simona cun su sacramentu
nuziali.
Arrùat asuba de custus sposus sa ricchesa de is
benedizionis tuas,
po chi in su donu paripari de s’amori,
allirghint de fillus sa famìglia insoru e sa
comunitadi ecclesiali.
T’alabint, Signori, in s’allegria,
ti circhint in sa sufferenzia;
gosint de s’amìcizia tua in sa fatiga
e de su confortu tuu in sa necessidadi;
ti preghint in sa santa assemblea,
siant testimonigius de su vangelìu tuu.
Bìvant a longu in sa prosperidadi e in sa paxi,
e cun totus is amigus ch’immòi ddus ingiriant,
lompant a sa biadesa de su regnu tuu.
Po Cristus Signori nostu.
(Totus respundint).
Amen i Aici siat!
