LITURGIA DE SU MATRIMONIU
LITURGIA DE SU MATRIMONIU
DOMANDAS
(Acabada s'omelia e pustis calincunu momentu de silenziu, is sposus e totus is aterus s'indi strantaxant, e su sacerdotu (si furriat facci a is sposus), cun custus fueddus o aterus chi s'assimibilint nàrada):
Carissimus Efis i Simona seis benius impari a sa domu de Deus po chi sa stima bosta riciat su segliu suu e sa cunsagrazioni sua ananti de su ministru de sa Cresia e ananti de sa comunidade.
Bosaterus seis giai cunsagraus medianti su Battìsimu: immoi Cristus si benedixit e s'affortiat cun su sacramentu nuziali, po chi si stimeis a pari cun amori fideli e chen’ e fini e s'attueis cunscienziosamenti is doveris de su matrimoniu.
Po custu si domandu di esprimiri ananti de sa Cresia is intenzionis bostas.
(Su sacerdotu ponit is domandas, e a dogna domanda is sposus donanta sa rigosta insoru).
Efis i Simona, seis benius a si cojai liberamenti, chen' e perunu costringimentu, cun conoscenzia prena de su sensu de sa decisioni bosta?
(Is sposus respundint): Sì.
Seis dispostus, in sa bia noa de su matrimoniu, a si stimai e a s'onorai a pari po totu sa vida?
(Is spousus respundint): Sì.
Seis dispostus a riciri cunscienzionamenti e cun amori is filius chi Deus s' hat a bolli donai; e a ddus imparai segundu sa lei de Cristus e de sa Cresia sua?
( Is sposus respondit): Sì.
CUNSENSU
(Po custu su sacerdotu sforzat is sposus a espressai su cunsensu):
Si duncas est intenzioni bosta de si cojai,
donaisi sa manu deretta
i espressai ananti de Deus e de sa Cresia sua su cunsensu bostu.
(Is sposus si donant sa manu deretta).
Su sposu narat:
Deu, Efis, pigu a tui, Simona, comente sposa mia,
e promittu de t’essiri fideli sempiri,
in s’allirghia e in su dolori,
in sa saludi e in sa maladia,
e de ti stimai e ti onorai
totus is dis de sa vida mia.
Sa sposa narat:
Deu, Simona, pigu a tui, Efis, comente sposu miu
e promittu de t’essiri fideli sempiri,
in s’allirghia e in su dolori,
in sa saludi e in sa maladia,
e de ti stimai e ti onorai
totus is dis de sa vida mia.
(Su sacerdotu ricendu su cunsensu narat):
Su Signori onnipotenti e misericodriosu
cunfirmit su cunsensu
chi heis manifestau ananti de sa Cresia
e si dignit de si preni mellus de sa benedizioni sua.
No atrivat s’omini a separai su chi Deus unit.
(Totus respundint)
Amen i Aici siat!
