SEGUNDU LITTURA
SEGUNDU LITTURA
DE SA PRIMU LITTERA DE SANTU PAULU
APOSTOLU A IS CORINZIESUS (6,13-15,17- 20).
Su corpus bostu esti templu de su Spiridu Santu.
Fradis, su corpus no esti po sa bregungia, ma po
su Signori, e su Signori esti po su corpus. Deus
chi hat resuscitau a su Signori, pustis, hat a
resuscitai a nosu puru cun sa potenzia sua.
No ddu scieis chi is corpus bostus sunti partis
de Cristu?
Ma chini si unit a su Signori format con Issu unu
spiritu solu.
Fuei is vizius de sa carri! Calisisiat peccau s’
omini fazzat, est foras de su corpus suu; ma
chini si donat a sa bregungia, peccat contras su
propriu corpus.
O no ddu scieis chi su corpus bostu esti templu
de su Spiridu Santu chi est in bosu e chi teneis
de Deus, e chi no appartenit a bosu e totu? In
beridadi seis stetius comporaus a caru preziu.
Crorificai duncas a Deus in su corpus bostu!
Paraula de Deus.
R. Grazias a Deus!
CANTU A S’ EVANGELIU
Cfr. Gv. 2,10; 1,7
R). Alleluia, alleluia.
Chini stimat est in sa luxi;
si camminaus in sa luxi
seus in comunioni is unus cun is aturus.
R). Alleluia.
Predi: Su Sinniòri siat cun bosàturus!
Pòpulu: Et cun tui puru!
LITTÙRA DE S' EVANGELIU SEGUNDU MATTÉU
(5, 13-16)
Bosu seis sa luxi de su mundu.
R. Groria a Tui, o Sinniòri!
In cussu tempus, Gesùs hiat nau a is discipulus
suus: "Bosu seis su sali de sa terra; ma si su sali
perdessit su sabori, cun ita cosa s’hat a podiri
torrai saliu? A nudd’ aturu serbit si nò a essiri
scavulàu e appetigàu de is ominis.
Bosu seis sa luxi de su mundu; no podit abrarrai
acuada una cittadi posta asuba de unu monti, né
s'alluit una lucerna po dda poni asutta de su mòi,
ma asuba de su brazzu de linna po chi fazzat
luxi a totus cussus chi sunt in sa domu.
Aicí reluxat sa luxi bosta ananti de is ominis, po
chi ddas, biant is operas bonas bostas e torrint
groria a su Deus bostu chi est in is celus".
Paraula de su Signori!
R. Torréus groria a Gesu Cristu!
