PRIMU LITTURA
PRIMU LITTURA
DE SU CANTICU DE IS CANTICUS
2,8-10.14.16; 8,6-7
Forti comente sa morti esti s’amori.
Una boxi! Su prexu miu!
Alloddu, benit
sartiendu per is montis,
attiddendu peris cucurcus.
Assimbilat su prexu miu a unu cabriolu
o a unu cerbixeddu.
Alloddu, issu est
addia de su muru nostu;
castiat de sa ventana,
orvetat de is arreccias.
Immoi fueddat su prexu miu e mi narat:
“Pesadindi, amiga mia,
mia totu bella, e beni!
O columba mia, chi abbarras in is sperraduras de sa rocca,
in is acuadroxus de is spérrumus,
ammostami sa cara tua,
faimi intendi sa boxi tua,
poita sa boxi tua esti suavi,
e sa cara tua esti graziosa”.
Su prexu miu esti po mei e deu po issu.
Issu mi narat:
“Ponimi comente siddu in su coru tuu,
comente siddu in su brazzu tuu;
poita forti comente sa morti esti s’amori,
appiccigosa comente is cuscusonis esti sa
gelosia:
is pampas suas sunti pampas de fogu,
una flamma de su Signori!
Is aquas de mari no podint studai s’amori
ne is fruminis ‘ndiddu podint tirai”.
Paraula de Deus.
R.Grazias a Deus!
