PREGADORIA EUCARISTICA V/C
PREGADORIA EUCARISTICA V/C
Gesùs Cristu esempiu de amori
Predi
Su Sinniori siat cun bosàturus
Pòpulu
Et cun tui puru
Pr.
In attu su coru nostu
Pop.
Dhùs teneus fissus in Deus feti
Pr.
Arringratzieus a Deus, Sinniori nostu
Pop.
Est cosa bona e giusta su dhù fai
PREFAZIU:
Est propiu giustu chi t'arringratzieus, Babbu misericordiosu: tui s’ has intregau a Gesùs Cristu, fradi e redentori nostu. In Issu s'has manifestau s'amori chi tenis po' is ùmilis e is pòbùrus, is malaius, po’ is chi, in sa sociedadi nosta, funti cunsideraus nudha. Mai Issu hat serrau su coru a s'abisongiu e a is sunfrimentus de s’umanidadi. Sa vida e su fuedhu dhus hat ispendius po si fai cumprendi ca Tui ses Babbu de totus e tenisi incuru de totus is cristianus de su mundu.
Po’ totu s’amori chi bìeus in is operas tuas nosu t’alabàus e t’arringratziàus e, impari cun is àngiulus e is santus, cantaus s’inniu de sa gloria tua:
Santu, Santu, Santu est su Sinniori de totu su mundu. Is celus e sa terra luxìnti de sa gloria tua, Hosanna in is celus prus atus. Beneditu est su chi s’acostat a nosu in nòmini de su Sinniori. Hosanna in is celus prus atus.
Nosu ti glorificaus, Babbu Santu, poita ca s’acumpagias e sustenis sèmpiri in sa vida e prus ancora candu Gesùs Cristu s’invitat po’ ascutai su Fuedhu tuu e po’ celebrài sa Cena santa chi Issu s'hat lassau. Cumenti hiat fattu cun is discipulus de Emmaùs Issu s'agiudat a cumprèndi sa Scrìtura Santa e pratzit su pani po' nosu.
Nosu ti pregaus, Babbu nostu chi podis fai totu su chi bolis, manda su Spiritu Santu in custu pani e in custu binu po' chi Fillu tuu stimau bengat e abarrit cun nosu.
Su espuru de sa passioni, sendi a cena cun is discipulus, hiat pigau su pani, hiat fatu sa preghiera po' t'arringratziái, dh' híat pratzíu e dh' híat donau a issus, narendidhis:
PIGAI E PAPAINDI TOTUS, CUSTU SEU DÈU CHI MI SEU SACRIFICAU PO' BOSÀTURUS.
Apustis cena, hiat fatu su propiu cun su bocali de su binu, hiat arringratziáu a Deus e d'híat passau a is discipulus, narendidhis:
PIGAI E BUFAINDI TOTUS CA CUSTU EST SU BOCALI DE SU SÀNGUNI MIU PO S'ALLIANTZA NOA E ETERNA, INTREGÀU PO BOSÀTURUS E PO TOTUS, PO SU PERDONU DE IS PECAUS. FEIDHU S'EMPIRI IN MEMORIA MIA.
PREDI: Custu est su misteriu de sa fidi nosta!
1. Pópulu: Celebrendídhu: donaus sa scera de sa moti tua, Gesùsu, naráus e creèus ca ses risuscitau e abetaus sa torrada tua a sa fini de is tempus!
2. Donnia borta chi papaus de custu pani e bufàus de custu càlixi donaús sa scera de sa moti tua, e abetaus sa torrada tua a sa fini de is tempus.
3. Tuí s'has liberau cun sa Gruxi e sa Resurretzioni tua, salvási, Srabadóri de su mundu!!
Celebrendì s'arregodu de su chi s'hat torrau in paxi cun tui, Deus Babbu nostu, donaus sa scera de s'amori chi si tenis e de su chi hasi fattu po' nosu: cun sa passioni e sa gruxi, has fattu brintai a Gesùs Cristu fillu tuu in sa gloria de sa resurretzioni e dh'has itzerriau acanta tua fendídhu Rei po' sèmpri e Meri de totu su mundu. Castia, Babbu nostu, su chi ti presentaus e donaus: est Gesù Cristu e totu chi s'intregat a tui e cun su sacrifitziu suu s'hat obetu sa bia chi si potat a domu tua.
Deus, Babbu misericordiosu, donasi s'Estru de s'amori, s'Estru de Gesù Cristu, filu tuu.
Afotiasi cun su pani chi donat vida e cun su càlixi chi si salvat. Afòtia sa dèbili fidi nosta e s'amori cristianu cun su Papa nostu Benedittu (XVI) su de sèscì, e s'Obispu nòstu Giusèppi (Mani).
Faisi a cumprendi su chi fait sunfrìri e su chi abisongiat a is prus pòburus, fai brintai in su coru e sa menti nosta sa luxi de su Fuedhu tuu po' chi arribèus a essi bonus a cunfortai a is chi funt istancus e tentus a tipu ischiavus, agiudasi a èssiri sèmpiri prontus a serbiri cun amori a is pòburus e a is chi sunfrìnti. Chi totus is chi seus batiaus e formaus sa Cresia pentzèus e narèus sa beridadi, loteus po sa libertadi, difèndaus is cosas giustas e sa paxi, in modu chi totu s'umanidadi sigat a isperai in d'unu mundu nou, prus giustu e umanu.
Arregodati is de cristianus chi si funti motus in paxi cun Gesùs Cristu, de is chi tui feti has connotu sa fidi insoru. Faidhus brintai a domu tua po' gosai de sa presentzia tua e de sa vida cumpleta in sa resurretzioni; acantza a nosu puru, a s'acabada de sa vida terrena, de podi lompi a s'aposentu eternu acantu ses tui abetèndisi.
Impari cun sa Vèrgini Maria, is apòstolus, is màrtiris e totus is santus de su celu t'heus a alabai po' sèmpiri narendi:
In Gesù Cristu, cun Issu e in Issu, a tui, Deus e a su Spìritu Santu, donnia onori e gloria siat po is sèculus de is sèculus. Amen!
Custu "Amen" est s'Amen prus' importanti de sa storia: poitta néndi aicci, nosu puru pòburus, tottus' impari pinnigàus a istrintu accant'è Gesu Cristu, arriccu de dogna grazia, appicculàusu a Issu e tottus impari, po donai a su Babb'Eternu e a su Spìridu Sanctu tottu s'onori e sa groria, po sèmpiri – arregordendi beni ca Gesu Cristu hat realizzaù sa salvatzioni cosa nosta no iscudendisi cun acchiccàius e/o pettias de sreméntu liùdas e cun nùsu medas, po nosu peccadoris e malli faidoris de sa voluntadi sua Deus – tottu poderosu had’úsau un’attra linna, sa linna de sa Grusci, candu su Fillu súu in cussa santa linna incravaù, est sèmpiri a brazzus abettus e salvat dogna peccadori màu. Nosu hoi puru castiàus a Issu e si lassàus attirài et illuminàì de Gesu Cristu gruscifissàu.
