MED' ALLIGRIA E MANNU GOSU
MED' ALLIGRÌA E MANNU GÓSU
S'alligrìa hoi est manna poitta su Sinnìori Deus, tottu poderósu, s'ad' ìnvitàu e ruinìu a sa mesa cosa Sua po "pappái su fuéddu Suu" e "Su pani" de is cèlus.
Candu is cristianus, fìdelis e battiaus, prènint' is cresias po fai s' Eucarestìa, in pagus fueddus, ascurtanta su chi Deus hat lassau scritto in sa Bibbia — donendi aícci fortìlesa e graniticidádi a sa fidi cristiana cos' insoru, po podi cantai in sa vida e no iscetti cun is paraulas bonas, ma operendi bení, prènus aicci de carídadi e, a su propriu tempus, partecipanta a sa scena in sa mesa chi Gesu Cristu had' apparicciàu e srèbid' a dogna fillu de Deus, pillingrinu in custa terra, vera " baddi" de lambrigas, po tenni forza e vida in su camminu terrenu e finzas a intrai in sa domu Sua, in su celus.
Un' amigu mio, crabonasciaiu e predi orioninu in sa parrocchia de su SS.mu Srabadori in Cerascius, torrau de pagu in custas lacanas, don Arrafieli Boi, appassionau de sa lingua sarda, hat ciccau de tradusi in sardu - abbasciu su spiridu de su Cunciliu Vatiganu II e de su Cunciliu Prenariu Sardu, accabbau de pagus annus a custa patti - sa ( II ) segundu pregadoria eucaristica e sa V de su Missali Romanu hoi usau in tottu sa Cresia cattolica de Deus.
