GOCCIUS DE SANTU GIULIANU MARTIRI
De sa fidi difensori
in Sardigna fervorosu
Rit. Siais nostru protettori
Giulianu Santu gloriosu.
In Casteddu nascistis
de genti illustri e pagana
sa religioni cristiana
de prinzipiu persighistis
de Cristu poi benistis
discepulu prodigiosu.
Rit. Siais nostru protettori
Giulianu Santu gloriosu.
In s' esercitu romanu
donais prova de valori
e cun signalis de amori
bos si trattat Dioclezianu
ma su postu de corteggianu
refudastis coraggiosu.
Rit. Siais nostru protettori
Giulianu Santu gloriosu.
Is paganas divinidadis
si cumandant chi adoreis
ma Bosu non cunsenteis
a is gravis empiedadis
nimancu a is autoridadis
rinunziais carignosu.
Rit. Siais nostru protettori
Giulianu Santu gloriosu.
Po serbiri a Gesù Cristu
eis sa fidi predicau,
non eis timiu ma rinunziau
a dogna terrenu acquistu
e de tottus seis bistu
Cattolicu fervorosu.
Rit. Siais nostru protettori
Giulianu Santu gloriosu.
