S' ULTIMU DISIZU DE UN EMIGRADU

@Adelaide

Published in 

POESIAS IN SARDU

 · 1 year ago

Ponidemiche sutta de una pedra,
menzus s' est de granitu,
ca su marmuru est frittu,
de lussu meda e no b' attaccat edra.

Ponidemiche a fazza 'e su nuragje
e, si ancora est de usu,
iscridebei susu :
" Inoghe solu est reposende in paghe".

Ponidemiche in logu solianu,
a palas de su muru
e, si no disturbo, puru
una rughitta, ca so' cristianu.

Ponidemiche nessi calchi rampu
de murta e de lidone.
Rosas a su barone !
A mie bastant fiores de campu.

Bramo torrare ue so' naschidu :
est s' ultimu disizu,
Sardigna, de custu fizu
che tue has generadu e has frundidu.

Antonio Manca