SA VERSADA

@Adelaide

Published in 

POESIAS IN SARDU

 · 2 years ago

SA VERSADA
intre is poetas improvisadoris:

Dante Erriu de Silius
Giacomino Manca de Quartucciu
Ersilio Murru de Quartucciu
Giovanni Mameli de Quartu S. E.

A sa ghitarra tore Angioni

1) Erriu
Su versu puru hoi hat a froriri
In custa finta gherra

RIMA
Hat arrui una lagrima in terra
Biadu a chini 'ndi dda' hat a boddiri

2) Manca
Puru hoi torru a cantai
E si saludu veramenti

RIMA
Ses de fronti a totu custa genti
E. Non ti depis spantai

3) Murru
Speru beni de conclui
Atras bortas hapu cantau

RIMA
Si est cumenti naras tui
Hat essiri unu fortunau

4) Mameli
Cantu fintzas a fai luci
Cantendi in poesia

RIMA
Sa lagrima dd' hat arregorta Maria
Candu su fillu fut mortu in sa gruxi

5) Erriu
Bollu pregai a Isidoru Santu
Ca in manu portat su mannugu

RIMA
Candu arribu mi pongu in genugu
Aundi ddu hadi sanguni e prantu

6) Manca
Saludu totu sa cumpangia
Su cantu est unu scialu

RIMA

Est arribendi un' arregalu
Ddu mandat su Messia

7) Murru
Cumenti fais su resocontu
Beni mi bollu preparai

RIMA
Ca est acanta de arribau
Fra pagu mo tengu prontu

8) Mameli
Maria candela allui
Po no conosci prus gherra

RIMA
Gesus beni prestu in custa terra
Ca teneus abisongiu de Tui

9 ) Erriu
Candu domandu unu parri
Ddu scriu cun sa pinna

RIMA
Benedita est cudda linna
Chi hat pompiau sa carri

10) Manca
Po mei est meraviglia
Candu intendu is campanas

RIMA
Oberei portas e ventanas
Ca Cussu brintat in donnia famiglia.

11) Murru
Su segliu imoi facus
I est bonu s' araxi

RIMA
Pasca beni e porta paxi
Ca bisongiu 'ndi teneus.

12) Mameli
Morta fiat mama mia
Lassendusi` mannu lamentu

RIMA
Est arribendi un avenimentu
Auguriu a totus de paxi e allegria

13) Erriu
Pregu a su Sarbadori
Chi sempri mi lessat sa luxi

RIMA
Sa lagrima a peis de sa gruxi
Allogadda sempri cun amori.