ARRUGAS
De candu mi biu scolorendi is primus
Ritratus, m' agatu a nudriri cun frebus
Di arregordus custu corpus in disarmu
In isterridas de soledadi.
In s' imboddicu de - i custas arrugas
Aundi su soli 'nci calat a mesudi`,
Chi sumint dignidadi e amostant
S' arrastu de su tempus
In murus de ludu e cracina,
Mi praxt a mi stentai.
Intre custas arrugas, ch' hiant sinnau
Partentzias e pagus torradas
E abetus si oberiant e calamant
In d- una dì, mi praxit a m' indi scidai.
Arrugas becias, castiadas
De coxinas afumadas, aundi
Stangiant is oras lentas de s' istadi.
Arrugas impipias.de surrungiu
Po- i cuddu mundu in su cali
Mi torru a biri sighendi
Umbras nodias allonghiadas
De lampionis poderaus de palus
De castangia. In custas arrugas,
Intzandus allirgadas de bolieras
De arrundinis e frazias
Chi arretumbant de su stiddiai
De grundas becias e profumant
De trigu e mustu, forru e fatiga,
Mi praxit a mi stentai po aguantai
Su coru obertu a su passau e intendi
In is venas su scurriri e su tempus.
Raffaele Piras
STRADE
Da quando vedo sbiadire le mie prime
Foto, mi ritrovo a nutrire con flebo
Di ricordi questo corpo in disarmo
In lande di solitudine.
Nell' intrico di queste strade
Dove il sole si cala a mezzogiorno,
Che trasudano dignità e mostrano
Le impronte del tempo
Su muri di fango e calcina,
Amo ritrovarmi.
Tra queste strade, che segnarono
Partenze e pochi ritorni
E speranze sbocciavano e appassivano
In un giorno, amo risvegliarmi.
Vecchie strade, guardate
Da cucine fumose, dove
Stagnavano le ore lente dell' estate,
Strade intrise di rimpianto
Per quel mondo in cui
Mi rivedo rincorrere
Dilette ombre allungate
Da lampioni tenuti da pali
Di castagno. In queste strade,
Allora allietate da voliere
Di rondini e rondoni
Che risuonavano del gocciare
Di vecchie frondaie e profumavano
Di grano e mosto, forno e fatica,
Amo sostare per tenere
Il cuore spalancato sul passato e sentire
Nelle vene lo scorrere del tempo.
