Copy Link
Add to Bookmark
Report
TENGU UNA POESIA
Tengu una poesia
Chi mi dromit in coru
Dd' intendu fatu fatu
Sulidai, a bortas prangit
Chen' e sungutai
A bortas cantat
E brincat a sciampitta.
M' ingiriant is fueddus
Chi pispisant
Asuba 'e follas
Luxentis de lentori
Atressant in s' anima
Candu prangit e bisat
Mi caritziant
Faschendimi di amori.
Cun custa poesia
M' allebiu is diis
Chi ora avat " e ora
Si fuint e slangint
Nisciunu scit intzetai
Anca currendi andint.
Est poesia nodia
' sa chi 'n coru
A sa muda m' anniniu,
Versus chen' 'e rimas
Chi no arrennesciu a iscri'
Arrogalla de pensus
Chi prangint, baddant
E bisant...ma
Nemus ddus intendit
Ne...ddus bit.
Rosanna Podda
