ISPOSA DE MAJU
In una bella die de MAJU ses andada a s'altare
Cun s'isposu tuo diciosu,po beneighere
Su vostru amore,
Implorare grassias e ringraziare nostru
Segnore.
Su beranu,cun sas arbules a novu
Frorias e sa terra rinverdia
T'ada ralligrau sa die de esta chi
Menzus non si podiada:
S'allegria essiada da su coro tuo
Commente s'abba da s'antana
E ti faghiada sempere prus bella e
Galana.
Sos parentes e sos amigos,cantande e
Ballende faghiana festa
Cun versos e crobbes ti
Naraiana:"godidi custa die de esta,
T'auguramus chi su tempus ti benzada
Sempere in favore,
Chi ti diada cada cuntentu e nessunu
Dolore.
E tue arrezias sos agurios cun piaghere
Contracambiande cun unu bellu sorrisu
Po' sensu de dovere.
Custa die de maju non l'asa mai a
Ismentigare
Cada beranu chi benidi ti l'ada a
Faghere ammentare,
E,si sa vida ti cherede essere benigna
E fortunosa
L'asa a ringraziare cun felicidade,
Sempere bella e fresca che rosa.
M. S.
Fonte:notiziario soci Università Terza Età Quartu sant'Elena.
Dicembre 2015
